بكفيك غمز!

أحمد شديد

UX/UI Designer, Frontend Developer

منذ 7 سنوات بواسطة

أنا والفوتوشوب .. حكاية لا تنسى !

أنا والفوتوشوب .. حكاية لا تنسى !

بسم الله

,

,

,

,

أول مره سمعت فيها بالفوتوشوب كانت بالصف الثامن ، وقتها ما كنت اعرف شو يعني فوتوشوب بالزبط

سألت شو هالبرنامج ؟ شو بعمل يعني ؟؟

متذكر جواب بضحك شوي ههههه وهوي ، برنامج تعديل الصور يعني مثلاً بتحط صورة راسكـ محل صورة راس الحمار !!
هههههه شوفو هالتعبير
بالبداية عجبني التعبير بصراحه وشدني أكثر للبرنامج ،، جبت البرنامج من عند ابن خالتي ، ونزلتو !
كان أول اصدار بشوفو هوي فوتوشوب 7 ، فتحت هالبرنامج وبلشت أخبص .. طبعاً ما عرفت في ولا اشي نهائياً
جبت شب صاحبي ، كان عندو شوي معرفه فيه يعني كان يقص صور ويجمعها وهيك ، حكيتلو اعمل صوره قدامي يلا ،
عملها هالصوره ، وانا تعلمت شوي من الاشياء الي كان يعملها ،،
بعد هيك صرت اجرب اعمل واتهبل لحالي ، كان كل شغلي ع الصور بس
وبتذكر اني قطعت الفوتوشوب بالصف العاشر ، وبعديها بلشت في بشكل جدي بعطلة بين الفصلين
أول اشي عملتو نزلت آخر اصدار كان موجود وقتها وهوي CS3
صرت أنزل كل يوم درس واطبقه ،
الي خلاني أتشجع أكثر انو كنت مشارك في منتدى برامج نت ، منتدى مشهور جداً ( في قديم الزمان ) لكن حالياً المنتدى أصبح شبه منسي  ،
في هاي العطلة عملو مسابقة انو  الي حابب يعمل مجموعة Scraps
وهي عبارة عن مجموعة من صور PNG عالية الدقة
زي الخيطان ، وكل اشي بتعلق بشغل اليدوي
بس انو تتصمم ع الكمبيوتر ، ما عليكم المهم
عملت مجموعتي الخاصة للمسابقة ، بس عملت شغلي خلتني أخسر
وانو سرقت ( لطشت ) اكم قطعة جاهزات وعدلت ع الألوان فيهم ! ، كان غلطة لا تنسى أبداً
كنت مفكر اني راح افوز وما يرح ينتبهوا !
بعد هيك ،،
في مشرفه بقسم التصميم الله يرحمها كان اسمها نعنانة ..
كشفتني اني سرقت الشغل وكتبت رد بالمنتدى وطلعوني من المسابقة ،،،
وقتها انزعجت شوي .. وكان عندي امتحان تاريخ ههههههه وما درستلو لاني كنت أفكر بطريقة للإنتقام
وأنا بالمدرسه ، كنت كل يوم لما أروح من الدوام أطبق درس فوتوشوب

كنت اطبق الدرس قبل ما أبدل ملابس المدرسة !  وقبل الغدا
بعد ما أجت العطلة الصيفية ،،
كان في عضو في منتدى برامج نت .. عضو محترف لأبعد الحدود .. من بلاد المغرب العربي بس كان ساكن في دولة أجنبية

كان يحط دروس مميزه جداً جداً ، عن الذوق والتفكير الصحيح للتصميم ،، ما بنكر انو دروسو كانت جزء اساسي بتعلمي لذوق التصميم واكتسابه..
ومن العضو نفسه ، حصلت على حساب في موقع الرابيد شير .. كان في مجموعة دروس مشهوره جداً اسمها
Photoshop Top Secret
حجمها 20 جيجا
نزلتها كلها وطبقت كل الدروس بشهر ،،
بعد هيك بلشت رحلتي مع عالم الدعاية والإعلان  وانا بصف 11.. عملت أول تصميم وهوي غلاف دفتر

هاي التصميم  ,, بسيط جداً

يحمل ذكرى ومعاني كثيرة بالنسبة إلي

,

,

,

,

,

,

,

,

,

,

كبدايه كان اشي احترافي بالنسبة الي ..
صرت أحاول اصمم كل يوم تصميم عشان اتعلم أكثر واكثر واكتسب خبره ،،
بس هالاشي للأسف ألهاني عن دراستي ومعدلي نزل بشكل ملحوظ ,, معدلي كان 93 ,, بعد تضييع الوقت مع الفوتوشوب

قرر ينزل وزنه :D وصار 79.5

وقتها ما كنت مهتم أصلاً هههههه ، بس كنت منبسط لاني حققت انجاز باكم اسبوع .. يعني مستواي تطور بشكل أسرع
بعطلة صف 11 الي بين الفصلين ،،
عملت اول تصميم كان احترافي بنظري .. تخيلت شركة جوال طلبت مني تصميم .. وعملتها دعاية

,

,

,

,

,

وهيك صرت أصمم واصمم .. لحد ما عملت صفحة الديفنت ارت .. موقع مشهور جداً للمصممين والمصورين وكل شيء يتعلق بالفن
سجلت فيه بتاريخ
11/4/2009
صرت احط كل تصميم بعملو فيه ،، وأول تصميم حطيتو هوي هاد

,

,

,

,

هالتصميم الو ذكرى ، متذكر حرفياً يوم ما صممتو شو عملت ،،
أول اشي اجتني فكر ع السريع ، حكيت خليني اطبقها
..
الجوال كنت مصممو من قبل ع الفوتوشوب ، هالفن بسموه فن المحاكاة ، أتقنتو ميه بالميه
دورت ع النت ع صور عشب وورد ..ولاقيتهم
بس كانو كلهم مرفوعين على سيرفر الرابيد شير ،،
وقتها اتصلت ع صاحبي  وحكيتلو بدي حساب رابيد شير  .. ولما اعطاني اياه نزلت الصور المطلوبة ،،
وانا قاعد بغرفتي .. ولا حضرت الست الوالده جابتلي كاسة شاي ،

< كاسة الشاي رح تعمل تغيير رهيب ,, قال يعني

وصرت اشرب واصمم .. لحتى طلع معي التصميم
بعد هيك ،،
لما عطلنا العطلة الصيفية ، كنت اوخد دروس توجيهي ..
بس ما كنت أدرس فيها نهائياً ، لانو الوالد اجبرني اوخد دروس !

وصرت اصمم واصمم ، وكانت هالعطلة قفزة بمستواي يعني حسيت مستواي بشبه مستوى المحترفين
بعديها أجا التوجيهي واجا همه
وتركت الفوتوشوب من
1/9/2009 – 2/7/2010
وبلشت قصتي مع عالم التصميم من جديد في تاريخ  2/7/2010

,

,

,

,

تم بحمد الله ,,

مصمم تجربة المستخدم UX وواجهات الإستخدام UI، مستشار ومطور واجهات أمامية Front-End Developer، مهتم في كتابة CSS للمشاريع الكبيرة.

  • http://www.myegy.com tariq jarrar

    mabroooooooook ya man 3la new website
    w big L!ke lhay el story

    • Ahmad Shadeed

      الله يبارك فيك صديقي :) شكرا

  • http://www.formspring.me/Harumisan إيمان صبري

    أعشق الفوتوشوب كثيراً رغم خبرتي القليلة به
    مازلتُ أحاول تطوير كل ماأعرفه عنه , في الحقيقة أعجبتني التصاميم كثيراً
    ظننتُ أنني بصفحة لشخصِ محترف ماشاء الله

    وفقكَ الرحمنْ للخير وأتخذ من موهبتكَ فيه سبيلاً لنصره دينكْ

    السلآإم عليكمْ :)

    • Ahmad Shadeed

      الفوتوشوب عالم بأكلمه , فقط تحلي بالصبر والعزيمة , وبإذن الله ستصلين إلى مرادك وهدفك
      بالتوفيق

  • طَـوق اليَـآسَـميـن ْ ~

    السَّــرد مُمتِـع جدَّا ً ومشَوِّق ..

    مُبدِع أحمـَد دآئِمـا ً ^_^ .. بـ فترة قصيـرة بتنجِـز شي كتيــــر ومتْقَـن ,,

    • Ahmad Shadeed

      شكرا :) الله يسعدك

  • عرين سمارة

    ههههههههههههههههههه أعجبتني القصة ع فكرة

    بالتوفيق

    • Ahmad Shadeed

      ههههههههههههه اهلا عرين
      سعيد لإنها عجبتك

  • براء الوحيدي

    يا الله الشغف شو بيعمل بالإنسان !! :D

    قصتك مع الفوتوشوب غريبة هههه،،وممتعة!!

    ما شا الله عليكْ..

    ما كنت متوقعة أبداً إنو كل هالمعاناة عانيتها لتصير مصمم محترف ومبدعْ،، :D

    بالتوفيقْ.. :))

    • Ahmad Shadeed

      ههههههههه الشغف بعمل كل اشي ! :P

      شكرا براء , وبالتوفيق إلك كمان :)

  • ahmad abufarha

    jameeeeeel jdan ;)

    • Ahmad Shadeed

      شكرا صديقي :)

  • ربيع خصيب

    رااائعة صديقي .. استمر :)
    بالتوفيق حبيبي

    • Ahmad Shadeed

      تسلم يا رب :)

  • Ala2 ghanem

    انتا محترف :)….ما شاء الله…و كل تصاميمك رائعه

    • Ahmad Shadeed

      شكراً الاء :) ربنا يوفقك

  • يافا

    بداية طريفة ^_^
    لآآزم نشكرها للمشرفة نع نـآعة ^_^
    لأنها كانت هي سبب خفي لتتعلم و تجرب و توصل لهووون :)

    تصاميمك جميلة :)
    و مميزة
    و حتى بدايتك :))))

    عقبال ما اكتب بدايتي انا << لهلأ ما بتبدى :(

    :))

    • Ahmad Shadeed

      إن شاء الله توصلي للمستوى الي بدك اياه , شكرا يافا

  • https://www.facebook.com/profile.php?id=100003697863721 Abdulrahman Alsayed

    قصة مثابرة رائعة جدا جدا
    و بصراحة أشعلت فيني الحماس
    الله يعطيك العافية
    و أتمنى لك التوفيق والنجاح دنيا وآخره أخ أحمد

    • Ahmad Shadeed

      الله يعافيك أخي , وإن شاء الله تتوفق في حياتك , شكراً

  • دي ان ايه

    اعجبتني .. كتير القصه …

    و الحلو .. هو اصرارك .. لتعلم .. و عنجد .. تصميمك .. كتير حلو .. و رائع ..

    يلا انا بدايه في فوتشوب << ان شا الله اصير متلك …

    • Ahmad Shadeed

      شكرا :) إن شاء الله بتوصلي للمستوى الي بدك اياه
      وأي مساعدة احنا جاهزين

  • Shatha Bani Fadel

    يعطيك العافية ,الشغل كثير مرتب وحلو “محترف”.
    بس سؤال.. اللي فهمتوا انك مش ماخذ نهائيا دورة في الفوتوشوب ,يعني كله تعليم وتطبيق ذاتي لوحدك ؟؟

    • Ahmad Shadeed

      الله يعافيكِ , شكراً :) وما وصلنا لدرجة الإحتراف .. لسه بنتعلم
      اهاا بالزبط .. ما أخدت ولا دورة ,, بس بتعلم من النت وبجرب لحالي

      • Shatha Bani Fadel

        جميل :)
        بالتوفيق

        • Ahmad Shadeed

          :) ويوفقك يا رب

  • noor alsammarrei

    اهئيك على هذا التصميم في التعلم .. برنامج الفوتوشوب وغيرها من البرامج ولغات البرمجة محتاجه منا وقت وتفرغ لها …. يارب توصل الى ما تسعى له واكثر

    • Ahmad Shadeed

      صحيح ، هذه البرامج تحتاج إلى وقت وممارسة كبيرين .. شكرا اخت نور

  • Maysa SOqy

    ما شاء الله دائما مبدع احمد

    تمنياتي لك بمزيد من النجاح والتوفيق :)

    • Ahmad Shadeed

      شكرا ميساء وإنتِ كمان الله يوفقك :)

  • http://www.sheroodesign.com/ Shareef Bassam

    بحب اقرأ قصص المبدعين أمثالك .. ربنا يوفقك ومنها للأعلى ♥
    أنا من عشاق التصميم والبرمجة وطموحي أكون مطور ويب بيوم من الأيام